1931 онд явагдсан засаг захиргааны шинэчлэлтээр Ихтамир сумыг 3.4 мянган хүн ам 500 орчим өрхтэйгээр бие даалган байгуулжээ. Өнөөдөр тус сум 5.5 мянган хүн ам, 4.8 мянган км2 нутаг дэвсгэртэй, өрхийн тоо 1383 хүрээд байна.

БНМАУ-ын Бага Хурлын Тэргүүлэгчид (хуучин нэрээр)-ийн 1957 оны 115 тоот зарлиг, аймгийн АДХ–ын Гүйцэтгэх захиргааны мөн оны 91 тоот тогтоолоор Баянхонгор аймгийн төвд 3 хоринтой, хороо захиргааг байгуулснаар Баянхонгор сум (хот) бие даасан нэгж болох үндэс нь тавигджээ.

Тус сум 1925 оны 12 дугаар сард байгуулагдсан бөгөөд УИХ-ын 1999 оны 130-р тогтоолоор Хархираа сумыг татан буулгаж тус сумтай нэгтгэснээр газар нутаг, нөөц, үйлдвэрлэлийн ба бизнесийн хэмжээ нэмэгдсэн төдийгүй, төрийн үйлчилгээний цар хүрээ ихээхэн тэлсэн билээ. Тариалан сум эдүгээ аймагтаа хүн ам, үйлдвэрлэлийн хэмжээгээрээ томд орох засаг захиргааны нэгж болж өргөжин хөгжсөөр байна.

Газар нутаг, хүн амын байршлыг харгалзан Хөвсгөл аймгийн зарим жижиг сумдыг нэгтгэх замаар Тариалан сум 1931 онд 11 багтайгаар байгуулагджээ. Хөвсгөл аймгийн бүсчилсэн хөгжлийн бодлого (2005-2020 он)-оор зүүн бүсийн буюу газар тариалангийн бүсийн төв болон хөгжих, хэрэв хошууны зохион байгуулалтад орвол хошууны төв болох чиглэлтэй.